«Қамқор жүрек» әжелер мектебі мен «PRO мама» аналар қауымдастығының аясында «Әженің сандығындағы сырлар» атты жылы әрі мазмұнды бірлескен іс-шара өтті.
Бұл жай ғана кездесу емес, ұрпақтар арасын жалғаған алтын көпір болды:
 Алдымен психологиядан бастадық: түрлі-түсті ленталармен өткен тренинг бәрімізді бір толқынға біріктірді.
«Әженің сандығына» үңілдік: мұндағы әрбір бұйым — жай ғана зат емес, тірі тарих, алақан жылуы мен тыныш қуаныштың маңызды сабағы. Әжелер өз шеберліктерімен шабыттана бөлісіп, бізді шығармашылық әлемімен таныстырды.
Балалық шаққа қайта оралдық: «Құм қиялдары әлемі» атты жарық үстелі бәрімізді баурап алды! Құммен ойнай отырып, ана баласына өзін және сезімдерін түсінуді үйретеді.
Ерекше сәттердің бірі — «Ана да адам» атты жаттығу және «Ата-аналықты жеңілдететін бес тәсіл» тақырыбындағы талқылау болды. Тағы бір мәрте көз жеткіздік: бақытты ана — отбасы үйлесімінің кепілі. 
Әжелердің тәжірибесі мен аналардың мейірімі тоғысқанда, ең берік тәрбие қалыптасады. Барлық қатысушыларға шынайылық пен жылылық үшін алғыс айтамыз!

Қазіргі таңда мектепке дейінгі ұйымдарда ұлттық құндылықтарды дәріптеу, балаларға салт-дәстүрді үйрету бағытында жүйелі жұмыстар жүргізілуде. Соның бірі – «Әжелер мектебі» жобасы.
Бұл жоба аясында әжелер мен тәрбиешілер бірлесе отырып, бүлдіршіндерге халқымыздың бай мұрасын насихаттауда. Әжелер балаларға ұлттық тағамдарды дайындау, қолөнер бұйымдарын жасау, бесікке бөлеу, ұлттық ойындар ойнау, үлкенді құрметтеу, кішіге ізет көрсету сияқты тәрбиелік маңызы зор дағдыларды үйретеді.
Балалар әжелердің ақыл-кеңесін тыңдап, олардың өмірлік тәжірибесінен тағылым алады. Осындай сабақтастық арқылы ұрпақ бойына ұлттық сана, рухани байлық пен адамгершілік қасиеттер қалыптасады.
Тәрбиешілер бұл жұмысты жоспарлы түрде ұйымдастырып, әрбір іс-шараны балалардың жас ерекшелігіне сай өткізеді. Бірлескен жұмыс нәтижесінде балалардың ұлттық мәдениетке деген қызығушылығы артып, өз халқына деген құрметі нығая түседі.
«Әжелер мектебі» – бұл тек жоба ғана емес, ұрпақтар

Балабақша ішінен құрылған “Қамқор жүрек”әжелер мектебі қарқынды жұмыс жасауда,ай сайын әжелерімізбен ақылдасып,кездесіп,одан кейін де тығыз байланыста болып,жұмыстар жүргізілуде,осы ай “Әжеммен ертегі” атты тақырыпта болып,әжелеріміз үйде сүйікті немерелерін жаңа ертегілермен таныстырып,ертегілер әлеміне саяхат жасады.
Мақсатымыз балапандарымызды баяғыдан келе жатқан халықтың көне ертегілерімен таныстырып,қиялдарын жетілдіру,әже мен немере арасындағы қамқорлықты,сыйластықты,махаббатты жетілдіру,себебі бала өмірінде әжелеріміздің орны орасан,тәлім тәрбиесі мол,әжелеріміздің де немере десе жүректері алып ұшып махаббатқа толы

№54 сәбилер бақшасында "Әжелер мектебі" аясында "Әжелеріміздің алтын қолдары" атты көрме ашылды. Көрмеде кітаптар, тоқылған бұйымдар, моншақтан жасалған суреттер, әшекейлер және дәстүрлі көрпешелер сияқты әртүрлі туындылар ұсынылды. Көрме балалардың көңілінен шығып, оларға қолөнердің сұлулығын және ұрпақтар сабақтастығын көрсетті. Ұйымдастырушылар әжелерге таланты мен жомарттығы үшін алғыс айтады.

Бүгін біздің балабақшада жаңа игі дәстүр бастау алды — «Қамқор жүрек» атты әжелер мектебі. Бұл жобаға біз шын мәнінде жанға жақын, үйдегідей жылылық сыйлайтын атау бердік — «Әже сыры шай үстінде»

Біздің мақсатымыз: Әжелердің тәрбиелеу үрдерісіне белсенді қатысуына жағдай жасау. Үрпақтар арасындағы байланысты нығайту.

Балаларға халық даналығы мен ізгі дәстүрлерді жеткізу.

Әже мейірімі мен қамқорлығында өскен бала рухани бай, мейірімді болып қалыптасады. Балаларды:жаман мен жақсыны ажыратуды, үлкенді сыйлап, кішіні аялауды,туған тамырын, халқының дәстүрін қастерлеуді үйретеді.

Алғашқы кездесуіміз жайлы дөңгелек үстел түрінде өтті. Балабақша тәрбиешілері,балаларға әжелерімен бірге болған әр сәттің жылулық пен қуанышқа толы болуына көмектесетін ойларымен бөлісті.

Бүгін біз тек танысып үлгердік, алайда-ақ біздің әжелерімізде қаншама бай қазына — білім, тәжірибе, дәстүр, жүрек жылуы сақталғаны айқын көрінді.

«Қамқор жүрек» мектебі — осы асыл қазыналар балалар үшін қайта жаңғыратын, ұрпақтан ұрпаққа жалғасатын орынға айналады. Әжелер мектебінің аясында жаңа отбасылық дәстүрлер пайда болып, шаңырақтарыңыз одан әрі тату, жүректеріңіз одан әрі жылы болсын деп тілейміз.