Қазақстан халқының бірлігі күні қарсаңында №54 бөбекжай-балабақшасында «Балалар көзімен әлем» атты асфальтқа сурет салу байқауы өтті. Іс-шара тәрбиеленушілердің шығармашылық қабілеттерін дамытуға және олардың бойында бейбітшілік, достық пен келісім туралы түсінік қалыптастыруға бағытталды.
Бұл күні балабақша аумағы ашық аспан астындағы нағыз көркемсурет галереясына айналды. Балалардың қолындағы қарапайым борлар ең жарқын әрі шынайы идеяларды жүзеге асыруға мүмкіндік берді.
Әр топ өзіне тән стиль, шығармашылық көзқарас және командалық рух танытып, қатысушылар лайықты марапаттарға ие болды.
Келесі номинациялар бойынша жеңімпаздарды құттықтаймыз:
«Түрлі-түсті ғажайып» – «Звездочка» тобы,
«Асфальт күлкісі» – «Цветок» тобы,
«Жылдам борлар» – «Ботақан» тобы,
«Тату суретшілер» – «Құлпынай» тобы.
Балаларға түс пен шығармашылыққа толы осы жарқын мереке үшін алғыс білдіреміз!
