Балабақшада «Тілге бойлау» бағдарламасы аясында педагогтар арасында «Білсең, айт!» атты ойын-сайыс өткізілді.
Іс-шараның мақсаты — қазақ тілінде сөздер мен сөйлемдерді дұрыс түсініп, қолдану дағдыларын бекіту, күнделікті өмірде кездесетін сөздердің айтылуын меңгерту және қазақ халқының ұлттық құндылықтарын дәріптеу.
Сайыс барысында педагогтар бірнеше қызықты тапсырмалар орындады. Қатысушылар ребустар шешіп, кубиктерден «Бәйге», «Домбыра», «Наурыз», «Наурыз көже», «Асық», «Бешбармақ» сөздерін құрастырды. Сонымен қатар ұлттық аспаптарды атап, көктем мезгілі туралы әңгімеледі, Наурыз көженің құрамын айтып, асықтардың түстерін қазақ тілінде атады. Ұлттық тағамдар бойынша да білімдерін көрсетті.
Әр дұрыс жауап үшін командалар жетондар алып отырды. Сайыс соңында жетондар саналып, жеңімпаз команда марапатталды.
Қорытындылай келе, «Білсең, айт!» ойын-сайысы педагогтар үшін пайдалы әрі әсерлі
іс-шара болды. Болашақта осындай тілдік жобалар жалғасын тауып, мемлекеттік тілді дамытуға өз үлесін қоса береді деп сенеміз
