Кеңес беру пункті аясында ата-аналар мен педагогтарға арналған «Мектеп жасына дейінгі балаларда дұрыс дене қалпын қалыптастыру» тақырыбында мазмұнды кездесу өткізілді. Бұл тақырып қазіргі таңда өте өзекті, себебі дәл мектепке дейінгі кезеңде баланың тірек-қимыл жүйесі дамып, денсаулықтың негізгі дағдылары қалыптасады.Кездесу барысында қатысушылар балалардағы дене қалпының бұзылу себептерімен танысты. Әсіресе қимыл-қозғалыстың аздығы, гаджеттерді ұзақ пайдалану, оқу іс-әрекеті кезіндегі дұрыс отырмау және дене белсенділігінің жеткіліксіздігі туралы айтылды. Педагогтар мен ата-аналарға баланың жас ерекшелігіне сай қолайлы білім беру ортасын ұйымдастырудың маңыздылығы түсіндірілді.Мамандар күнделікті дене белсенділігінің, қимылды ойындардың, таңғы жаттығулардың және арқа бұлшықеттерін нығайтатын жаттығулардың пайдасы туралы айтып өтті. Сонымен қатар баланың жұмыс орнын дұрыс ұйымдастыру, күн тәртібін сақтау және шаршаудың алдын алу бойынша практикалық ұсыныстар берілді.Іс-шара барысында ата-аналар балаларды дұрыс отыруға, жүруге және дене жаттығуларын орындауға дағдыландыру жөнінде пайдалы кеңестер алды. Кездесу соңында қатысушыларға дене қалпының бұзылуының алдын алу бойынша жадынамалар таратылды.
|
Қостанай облысы әкімдігі білім басқармасының
"Қостанай қаласы білім бөлімінің "№ 54 бөбекжайы" КМҚК КГКП "Ясли-сад № 54" отдела образования города Костаная" Управления образования акимата Костанайской области |
|
|---|
