Болашақ ұрпаққа экологиялық тәрбие беру жөніндегі республикалық жоспарды іске асыру аясында 54 бөбекжайда үздіксіз жұмыс жүргізілуде.

Педагогтер экологиялық менеджментті ұйымдастыруға жағдай жасайды. Бірнеше әдістер бейімделген: «Қуаныш пен қайғы», «Экологиялық бағдаршам», «Жасыл досқа хат», «Құпия әңгіме». Осы бағыт бойынша балалармен жұмыс істеу іс-шараларының жоспары әзірленді.

«Өмір сүр Барыс» зерттеу жобасы енгізілді, онда мектеп жасына дейінгі балалар «Қар барысының ізімен» үлкен қызығушылықпен барды: Қазақстанның Қызыл кітабына енгізілген Барыспен, оның өмір ерекшеліктерімен және мінез-құлқымен танысты және осы сирек кездесетін жануарды қорғау шаралары туралы білді.

«Экологияның жас менеджері» экологиялық форумы барысында балалар өздерінің білімдарлығын, ой-өрісін, қоршаған әлемге деген қызығушылықтарын көрсетті. Балалар табиғатты қалай сақтау, өзендер мен көлдерді тазарту, туған қаламызды жасыл және таза ету, «Экологиялық ай – стопперлер», түрлі модульдер: «Ғаламшар неге көңілсіз», «Табиғатқа көмектесу оңай» деген батыл әрекеттерді ойлап тапты.

Балалардың «Табиғат Магистрімен» кездесуі өте қызықты өтті, онда балалардың әрқайсысы өз пікірлерін, барлық тіршілік иелеріне деген сезімдерін білдіруге тырысты, ең бастысы табиғаттың маңызды заңдарын есте сақтады.

54 бөбекажайдың кішкентай инженерлері өздерінің инженерлік қабілеттерін көрсетті, «Экоқаланы» жобалап, салды.

Айта кету керек, бұл экологиялық менеджмент жүйесі мектеп жасына дейінгі балалардың экологиялық мәдениетін дамытуға бағытталған процестерді құрылымдауға, байланыстыруға мүмкіндік береді.